„Capturing Dividends“ е стратегија која им овозможува на инвеститорите да заработат од дивиденди без да ги држат акциите подолго време. Основната идеја е едноставна: се купуваат акции на компании кои наскоро ќе исплатат дивиденда, а потоа се продаваат веднаш по „ex-dividend“ датумот – кога акцијата веќе нема право на тековната исплата. Со тоа, инвеститорот ја инкасира дивидендата, а го намалува времето во кое ја поседува акцијата и е изложен на пазарен ризик.

 Како функционира оваа стратегија?

1. Истражи го дивиденден календар – најди компании што наскоро исплаќаат дивиденда.

2. Купи ја акцијата пред „ex-dividend“датумот – обично еден работен ден пред.

3. Задржи ја до денот по ex-dividend – така добиваш право на исплата.

4. Продади ја акцијата – обично по исплатата, дури и ако цената малку се намали.

Пример

Ако компанијата исплаќа дивиденда од 1 долар, и купиш акција по цена од 100 долари, теоретски цената ќе падне на 99 долари по ex-dividend. Но ако цената се врати или дури остане стабилна, си го „фатил“ приносот без долгорочна изложеност.

Како планирам ја искористам оваа стратегија на македонската берза

За околу 5000 евра купив акции од Стопанска Банка, вкупно 100 акции по цена од 3050 ден. Банката ќе исплати дивиденда во бруто износ од 229 ден. по акција, или нето 206 денари доколку ги чувам акциите до 16.06.2025 год. Со тоа ќе добијам дивиденда во износ од 20.600 денари. Потоа да ги продадам тие акции по пониска цена да речеме 3020 денари, (со што нема да треба да платам данок бидејќи сум во загуба) ќе купам 680 по цена од околу 440 денари по акција од Телеком, кој пак за оваа година треба да исплати дивиденда од 27.6 денари бруто, односно 24,84 денари нето по акција, или вкупно дивидендата од Телеком ќе изнесува16.891 денар. Доколку ги собереме двете исплати на дивиденди ќе добиеме сума од 37.491 денари, или приближно 606 евра, или околу 12% од вкупната сума.

Предности

Брз поврат – не мораш да чекаш години за принос.

Флексибилност – можеш да ротираш капитал низ повеќе компании во текот на една година.

Може да се комбинира со македонски акции – особено ако се знае периодот на исплата (на пр., Комерцијална банка, Телеоком, Алкалоид итн.).

Ризици и ограничувања

Паѓање на цената по исплата – понекогаш поголемо од самата дивиденда.

Трговски трошоци – провизии при купопродажба можат да ја намалат добивката.

Данок на дивиденда – треба да се пресмета и тоа, особено кај странски акции

Заклучок

Стратегијата „Capturing Dividends“ е одлична алатка за активни инвеститори што сакаат брзи приноси со прецизни временски рамки. Во комбинација со македонскиот дивиденден календар, може да се претвори во паметна сезонска стратегија. Секогаш кога ја употребуваме оваа стратегија потребна е внимателна анализа, бидејќи не секоја дивиденда вреди да се „брка“.